Sunday, November 17, 2013

ინ


   როდესაც გარდაიცვალე.

   აღარ ელავენ თმები. მუსიკაც სხვა ისმის. შეკვეცილი.
   ისევ არ გძინავს და ყოველ ღამე შუშის გუგები ეხლებიან ერთმანეთს იატაკზე.
   გამჭვირვალობა დაკარგეს შენმა ტონალობებმა და ვეღარ შემოდიან ჰაერად ღია სარკმელში.
   ლურჯი ენერგიის კაფსულებიც ჩამოირეცხნენ კედლიდან.

   არასოდეს მიგულისხმია ამგვარი დაბრუნება.
   ვდგავართ მოპირდაპირე მოაჯირებზე.
   მე - ზურგით.
   შენ - ჩემი ზურგისკენ.
   საერთო ხედი? - აღარ ვიყოფი.

   დავტოვე სხვენიც და წეროებიც.
   ნუ მსაყვედურობ დამტვერილ სკივრებზე უხმო მზერით.
   მე შემიძლია ვიყოთ ძველებურად. შემიძლია.


   ინ, როდესაც გარდაიცვალე.
   ინ, როდესაც გარდაიცვალე და მერე მოხვედი.


   http://www.youtube.com/watch?v=wkMtXSROrVc


No comments:

Post a Comment