Friday, November 29, 2013

ფოთლების ძარღვებზე დაკიდული ამბავი.


   აღარ დავდივარ ისე, ადრე რომ მჩვეოდა. შიგნით არიან ყველანი და საკუთარ ჩრდილს ჩაჩერებულს სულ მიკვირს, ისინი რატომ არ ჩანან.
   თქვენ რატომ არ ჩანხართ?
 
   ..................................................

   - ერთმანეთი ხომ გვყავს?
   - კი.
   - ....
   - ეგ ერთადერთია რაც დაგვრჩა.
   - ....
   - ....
   - ეგეც საქმეა.

   ...................................................

   ვისაც აღარ ვყავარ(თ)?
   და პირიქით?

   ...........................................................
 
   ამაე, 

   როდესაც იდექი ჩემს წინ, ზურგით და წელში მოხრილი ფეხებს უბაკუნებდი სიკვდილს, მინდოდა მეთქვა..
   მინდოდა ბოლო ხმაზე მეყვირა..
   მინდოდა, იოგების დაწყვეტამდე მეღრიალა..
   მინდოდა, გცოდნოდა, რომ მხოლოდ შენი თვალები არ იმახსოვრებენ...
   მინდოდა, გეგრძნო, რომ მხოლოდ შენს სხეულს არ სტკივა..
   მინდოდა, უცებ ამნეზია დაგმართნოდა და ყველაფერი დაგვიწყნოდა ამქვეყნად..


   ვერაფერი. ვიდექი და ქურთუკის ბოლოზე მეკიდა ხელი.. გათეთრებამდე. და განძრევასაც ვერ ვბედავდი, რომ ნებისმიერ დროს  მზად ვყოფილიყავი - დამეჭირე.

   ამაე, ყორანმა თქვა, მიმღერეო.



   

Thursday, November 21, 2013

მქრქალი ნუნები


   არ ვუთხრათო.
   ვერ გაიგებსო.
   იმაზე უფრო იდარდებს, სხვები რას იგრძნობენო.
   პატარაა ამისთვისო.
   სხვანაირად ავუხსნათო.
   ცოტა ხნით, საერთოდაც, მოვაშოროთ აქაურობასო.

   ის კი იჯდა ღია კარსა და კედელს შორის და ფიქრობდა, რომელი სიტყვებით შეძლებდა ამოევსო სიჩუმე, როდესაც მამა დაურეკავდა და ჰკითხავდა:
   - დედა როგორ არის?


Sunday, November 17, 2013

ინ


   როდესაც გარდაიცვალე.

   აღარ ელავენ თმები. მუსიკაც სხვა ისმის. შეკვეცილი.
   ისევ არ გძინავს და ყოველ ღამე შუშის გუგები ეხლებიან ერთმანეთს იატაკზე.
   გამჭვირვალობა დაკარგეს შენმა ტონალობებმა და ვეღარ შემოდიან ჰაერად ღია სარკმელში.
   ლურჯი ენერგიის კაფსულებიც ჩამოირეცხნენ კედლიდან.

   არასოდეს მიგულისხმია ამგვარი დაბრუნება.
   ვდგავართ მოპირდაპირე მოაჯირებზე.
   მე - ზურგით.
   შენ - ჩემი ზურგისკენ.
   საერთო ხედი? - აღარ ვიყოფი.

   დავტოვე სხვენიც და წეროებიც.
   ნუ მსაყვედურობ დამტვერილ სკივრებზე უხმო მზერით.
   მე შემიძლია ვიყოთ ძველებურად. შემიძლია.


   ინ, როდესაც გარდაიცვალე.
   ინ, როდესაც გარდაიცვალე და მერე მოხვედი.


   http://www.youtube.com/watch?v=wkMtXSROrVc