Tuesday, December 18, 2012

არ!!

   არ ამაფარო თვალებზე ხელი. ვნახავ. მეც შევხედავ როგორ კვდებიან მაწანწალა ძაღლები ნაგავსაყრელზე სიცივისგან, შიმშილისგან, არმოვლისგან, არზრუნვისგან და ცოფისგან. არაფერი დამიშავდება თუ მეც მეცოდინება, როგორ გადმოსდით დუჟი პირიდან და უწყლიანდებათ თვალები უკანასკნელ წამს.

   არ ამაფარო ყურებზე ხელი. მოვისმენ მეც, ტკივილისაგან როგორ ყმუიან ადამიანები, მომაკვდავი ადამიანები ცივ, თეთრ, მიტოვებულ პალატებში. თეთრი ხალათების ამარა.

   არ ამომიდგე ზურგით. ჩემთვის უცხოა სხვისით გამოწვეული დაცულობის შეგრძნება. ნუ მიმაჩვევ იმას, რასაც სამუდამოდ ვერ უზრუნველყოფ.
 
   არ გამაჩერო!!
   არ მიპასუხო!!
   არ გადამეფარო!!
   არ დამიცვა!!
   არ!!
   არ!!
   არ!!
   არ!!

   არ დამირთავს ნება, მაჯებზე დამხედო. და მითუმეტეს!!
   არ დამადო ხელისგული დასერილ კანზე.
   არ შეაჩერო სისხლის ნიაღვარი.
 
   დაე, მოვკვდე.

No comments:

Post a Comment